Mini Militia:Doodle Army2

"ശത്രുവിനെ കണ്ടെത്തി ഉന്മൂലനം ചെയ്യാനുള്ള യാത്രയ്ക്കിടയിലാണ് വഴിയരികിൽ ആരോ ഉപേക്ഷിച്ചു പോയ ഒരു റോക്കറ്റ് ലോഞ്ചർ എന്റെ ശ്രദ്ധയിൽ പെട്ടത്. കയ്യിലുണ്ടായിരുന്ന കുഞ്ഞു റിവോൾവർ അവിടെ വച്ചിട്ട് ഞാൻ ആ റോക്കറ്റ് ലോഞ്ചർ കയ്യിലെടുത്തു. പിന്നീട് അങ്ങോട്ടുള്ള എന്റെ യാത്ര ദുഷ്കരമായിരുന്നു.
എന്റെ യാത്രയുടെ വേഗം കുറഞ്ഞു. എങ്കിലും റോക്കറ്റ് ലോഞ്ചർ ഉപേക്ഷിക്കാൻ ഞാൻ തയ്യാറായില്ല. ശത്രുവിനെ ദൂരെ നിന്നും കാണുമ്പോൾ തന്നെ ഒറ്റ വെടിക്ക് തീർക്കാമല്ലോ എന്ന് ആശ്വസിച്ച് റോക്കറ്റ് ലോഞ്ചറും ചുമലിലേറ്റി ഞാൻ നടന്നു.
പെട്ടെന്നതാ ഭിത്തികൾക്കിടയിലൂടെ നീല നിറത്തിലുള്ള ഒരു തരംഗം എന്റെ നേർക്ക് വരുന്നു. അപകടം മണത്ത ഞാൻ കുതറി മാറാൻ ശ്രമിച്ചു. എന്നാൽ ചുമലിലെ ഭാരം കാരണം എനിക്ക് സാധിച്ചില്ല. ആ തരംഗം എന്നെ സ്പർശിച്ചു. ഞാൻ പറന്നകലാൻ ശ്രമിച്ചു. അപ്പോഴാണ് ആ തരംഗങ്ങൾ എന്റെ പറക്കാനുള്ള കഴിവിനെ ഇല്ലാതാക്കി എന്ന് ഞാൻ തിരിച്ചറിഞ്ഞത്. പെട്ടന്നതാ അങ്ങ് ദൂരെ നിന്നും ഞാൻ പ്രതീക്ഷിച്ചിരുന്ന എന്റെ ശത്രു..!!
അവൻ എന്റെ മുന്നിലേക്ക് എന്തോ വലിച്ചെറിഞ്ഞു.
ഞാൻ എന്റെ റോക്കറ്റ് ലോഞ്ചർ കയ്യിലെടുത്തു. കാഞ്ചിയിൽ ഞാൻ വിരൽ വച്ചതും ശത്രു വലിച്ചെറിഞ്ഞ ഗ്രനേഡ് പൊട്ടിയതും ഒരുമിച്ചായിരുന്നു.
എന്റെ ശരീരം ചിന്നിച്ചിതറി.
എന്റെ ആത്മാവ് ശരീരത്തിൽ നിന്നും വേർപെട്ട് സ്വതന്ത്രമായി. ഞാൻ അപ്പോൾ കണ്ടത് എന്റെ ശരീരാവാശിഷ്ടങ്ങൾക്കിടയിൽക്കിടന്ന എന്റെ റോക്കറ്റ് ലോഞ്ചർ എടുത്തുകൊണ്ട് പോകുന്ന ശത്രുവിനെയാണ്.
ഇല്ലാ, ഞാനത് അവന് വിട്ട് കൊടുക്കില്ല..!!
ഞാൻ തിരിച്ച് വരും.
പുനർജന്മത്തിനായി ഞാൻ കാത്തിരുന്നു."

Mini Militia
അടിയില്ല, വെടി മാത്രം 😜😅😂